بتحبيه؟؟ بتحبها؟؟

      أزيك ياصاحبي أيه أخبارك ياأختي

إلي الباحث عن الحب والباحثة عن الحب إلي من يعيش قصة حب سعيدة

تخيلوا معايا لو النبي واقف علي اليمين واليهود والنصاري علي الشمال كل ماتروحو مكان للنزهة اليهود والنصاري يفرحوا والنبي يبكي أنت عايز تحزن قلبه وتفرحهم؟ أنت مش واقف بين أيدعميد جامعة أو مدير شركة يحدد مصيرك

أنت بين أيد ربنا))

ممكن رد: جالك واحد كافر وأنت معاها وعايز يدخل الأسلام ردك أيه أكيد هتنفض ونفس الوقت كافر تاني قالك أحنا بنسب رسولكم وأنتم هنا بتتقابلوا إشترك معانا للطعن في كبد محمد هتعرف ساعتها بجد أنت أيه!!!!!!!!

يابني ده أختيارك مش أختيار ربنا طيب ماتسيب ربنا يختارلك (ومن ترك شيء لله عوضه الله خيرا منه)

 لو سيبتها لربنا لو هي الخير ربنا هيرجعهالك تاني في الحلال ولو في الأحسن والأجمل منها ربنا هيعوضك

وأنتي ياأختي لو هو الخير هيرجع ولو الشر ربنا هيبعده ويبدلك أحسن منه وأطيب وأرجل منه قولي لربنا يارب أنا سيبته عشانك وشوفي ربنا هيعملك أيه وأنت قولها نسيب بعض 4سنين لربنا وشوفو لو فيه الخير ربنا هيجمعكوا لو غير كده ربنا هيختار ليكم الأحسن قولها أنا وجدت ربنا قولي أنا بحب ربنا كفانا جرأة علي الله لوعلاقتكم هتدخلكم الجنة إستمروا لو مش هيتبرأ منك  يوم القيامة خليكي معاه

س/أنا مقدرش أعيش من غيرها ومقدرش أسيبها أنا بحبها؟ ده حبيبي ومقدرش أسيبه إزاي أسيبه دانا أموت؟

ج/ومين اللي يستحق الحب ده مين اللي يستحق قلبك ومهجتك هي ولا ربنا وأنتي مين اللي يستحق كل حياتك هو ولا ربنا

س/ كلامك جميل ومقتنع بس قولي سيب المخدرات النت بس هي لأ هي معني حياتي وهدفي اللي عايش عليه وهي بتقول ده هو اللي مالي حياتي وقلبي من غيره حياتي ملهاش معني؟

ج/ لوبتحبها وعايزها سيبها (أيه؟) أسمع مني أنت بتوديها جهنم أنت بتحب نفسك وأنتي بتحبي نفسك لو بتحبيه خافي عليه أنت تقدر تشوفها في حادثة قطر أكيد لأ. والله علاقتكم أشد من الحادثة ترضي أن هي تقول يارب هوالسبب هو اللي ضحك عليا هو اللي خلاني أبعد عنك وأنساك يارب وترضي هو يقول يارب هي السبب هي اللي نستني طاعتك!

(قال تعالي)"إن الذين فتنوا المؤمنين والمؤمنات ثم لم يتوبوا فلهم عذاب جهنم"

س/هو أنت اول واحد فحياتها؟ ج/(أيوة) عارف كل سيئات عمرها في ميزانك ليه؟ لأنك السبب فمشيها في الطريق ده ياحبيبي هي مش ملك أيديها هي فأيد ربنا ومش هتاخدها من ربنا غصب عنه مش هتاخدها بمعصية الله ولو خدتها بمعصيته هيعذبك بيها في الدنيا (ماما علي علم) وربنا برده علي علم وخلي بالك كما تدين تدان (أيه؟) أنت واقف بتكلمها من 4ساعات في واحد بيكلم اللي هتبقي مراتك بعد كذا سنة وبيقولها نفس كلامك وماسك أيديها نفس المسكة وقاعد نفس قعدتك وكل نظرة وكلمة ولمسة هتترد من عرض مراتك وربنا شايفكم وأنتم مش هممكم ووالله هتسألوا عن كل كلمة وضحكة وكل مليم    (بس أنا مش عايز كدة أنا عايز واحدة طاهرة وأنا بردة عايزة واحد صالح وطيب)

لو كدة يبقي توبوا من اللي أنتو فيه وخلي بالك (ماكنا معذبين حتي نبعث رسولآ) ممكن تكون ديه أخر رسالة من ربنا ليك وكمان كل مكان هيشهد عليكم الأرض والموبايل لما تقفوا أنتم الأتنين أمام الله ويشغل المكالمة وتسمعوا كلامكم وضحككم هتقولوا أيه لربنا أنت تقدر علي شمعة ولاماء ساخن ده عذاب ربنا... لو النبي دخل وقالك أنتي بتكلمي مين هتقولي حبيبي ولا صديقي لو ملك الموت نزل وأنت معاها هتقول أيه لربنا كنت بحبها يارب أوعي تفتكر أن مامتها دليل شرعي

أي أتنين في الصيف مش قادرين يقفوا ساعة في الشمس ولازم ظل:يوم القيامة هيقفوا 50 ألف سنة والشمس شبر من فوق الرؤوس لو متابوش لربنا      (عارف هي حبيبتك في الدنيا هتبقي أشد عدوة ليك في الأخرة)

أختي أنتي عارفة أنك بترخصي نفسك والله مش مقامك أن شاب يضحك عليكي بكلمتين ومش مقامك أن شاب ينزلك من بيتك بمكالمة موبايل أنتي مقامك تقعدي في البيت معززة مكرمة ويجيلك الخطاب لغاية بابك

وياأخي صدقني أنت قلبك فاضي عدت واحدة حبيتها أنت لو قلبك مليان بحب الله مش هيبقي في مكان لحب مخلوق

وخد بالك عشان تقابلك خانت أبوها وأمها وأخوها وهما بيحبوها أكتر منك وأكيد بكرة هتخونك وهو بيخون ربنا ودينه مش هيخونك؟؟..حبك ليها بيجيب سهر وتفكير وضيق وتعب لكن مع ربنا إنشراح وفرحة وراحة وفرج وسعادة

العمر كله وساعات الموبايل والوقفة في الجامعة كله بالنسبة للأخرة ساعة من النهارفي الدنيا من50ألف سنة من الأخرة

والله ربنا بيحبك ربنا كان قادر ينسفك وأنت معاها وعلي الرغم من كل ده رحيم بيك ونجحك وشفاك ووقف معاكي في مشكلتك ولو رجعت هيبدلك كل السيئات حسنات..... أوعي تيأس ده رحيم وكرمك وأنت بتعصيه مش هيرضي عنك ويقبلك لما ترجعله؟؟؟ بس أنت قرب خطوة وشوف.... الشاب هيديكي كلمتين حلوين وربنا هيديكي الفردوس بتحب ربنا  ولا بتحب مين